ஹைதராபாத்தில் உள்ள துர்க்கம் செருவு பகுதிக்கு அருகில் அமைந்துள்ள முன்னணி தகவல் தொழில்நுட்ப நிறுவன வளாகத்திற்கு வெளியே, செப்டம்பர் 17 அன்று இரவு ஒரு பெரிய மலைப்பாம்பு உலா வந்த சம்பவம் பரபரப்பை ஏற்படுத்தியுள்ளது. இந்த பாம்பு அலுவலக வளாகத்தின் வெளிப்புறப் பகுதிகளில் ஊர்ந்து செல்லும் வீடியோ சமூக வலைத்தளங்களில் வெளியாகி வேகமாகப் பரவி வருகிறது.
சமூக வலைத்தளங்களில் வெளியான அந்த காணொளியில், அந்த பெரிய மலைப்பாம்பு நிறுவனத்தின் வளாகத்தை சுற்றி திரியும் காட்சிகள் தெளிவாகப் பதிவாகியுள்ளன. தகவல்களின்படி, அங்கிருந்த ஐடி ஊழியர் ஒருவர் அந்தப் பாம்பைப் பிடித்ததாகக் கூறப்படுகிறது. இரவில் பணிமுடிந்து வெளியே வந்த ஊழியர்கள் மற்றும் பாதுகாப்புப் பணியாளர்கள் இதைப் பார்த்து அதிர்ச்சியடைந்தனர்.
https://twitter.com/zingabad/status/2100809879200120949/video/1
இருப்பினும், இணையத்தில் வைரலாகி வரும் இந்த வீடியோ மற்றும் அது தொடர்பான கூற்றுகள் அதிகாரப்பூர்வமாகவோ அல்லது சுயேச்சையாகவோ இன்னும் உறுதிப்படுத்தப்படவில்லை. ஏரிக்கு அருகில் இந்த அலுவலகங்கள் அமைந்துள்ளதால், வனப்பகுதியில் இருந்து பாம்பு வெளியேறியிருக்கலாம் என எதிர்பார்க்கப்படுகிறது.