சமூக வலைத்தளங்களில் ஒன்றான இன்ஸ்டாகிராமில் நெஞ்சைப் பதறவைக்கும் வீடியோ ஒன்று தற்போது மிக வேகமாகப் பரவி பெரும் பரபரப்பை ஏற்படுத்தி வருகிறது. வயல்வெளியில் புல் அறுக்கச் சென்ற பெண் ஒருவரை, 3 முதல் 4 இளைஞர்கள் கொண்ட கும்பல் ஒன்று சூழ்ந்துகொண்டு கொடூரமாகத் தாக்கும் காட்சிகள் அந்த வீடியோவில் இடம்பெற்றுள்ளன.
தனியாகச் சிக்கிய அந்தப் பெண் கதறித் துடித்தபோதிலும், எதையும் பொருட்படுத்தாமல் அந்த இளைஞர்கள் இரக்கமின்றித் தாக்குதல் நடத்துவது பார்ப்போரை அதிர்ச்சியிலும் ஆத்திரத்திலும் ஆழ்த்தியுள்ளது. இந்தச் சம்பவம் எந்தப் பகுதியில் நடைபெற்றது மற்றும் தாக்குதலுக்கான பின்னணி காரணம் என்ன என்பது குறித்த முழுமையான விவரங்கள் இன்னும் அதிகாரப்பூர்வமாக வெளியாகவில்லை.
எனினும், இணையத்தில் பரவி வரும் இந்தக் கொடூரக் காட்சிகளைக் கண்டு ஆத்திரமடைந்த நெட்டிசன்கள், காவல் துறை உடனே இதில் தலையிட்டுச் சம்மந்தப்பட்ட நபர்களை அடையாளங்காண வேண்டும் எனக் வலியுறுத்தி வருகின்றனர். மேலும் வீடியோவின் அடிப்படையில் வழக்குப் பதிவு செய்து, பெண்ணைத் தாக்கிய மிருகத்தனமான கும்பல் மீது போலீசார் கடுமையான சட்ட நடவடிக்கை எடுக்க வேண்டும் என்ற கோரிக்கையும் வலுத்து வருகிறது.