வீட்டிற்குத் திரும்பி வந்த ராய் லூகாஸ் என்ற தந்தை, தன் வீடு தீப்பிடித்து எரிவதைக் கண்டு அதிர்ச்சியடைந்தார். வீட்டின் தரைத்தளத்தில் அவரது 18 மாத இரட்டைக் குழந்தைகளான மிலன் மற்றும் மலேசியா ஆகியோர் தூங்கிக் கொண்டிருந்தனர். தீயணைப்புப் படையினரின் வருகைக்காகக் காத்திருக்காமல், தந்தை ராய் லூகாஸ் சிறிதும் யோசிக்காமல் எரியும் தீப்பிளம்புகளுக்குள் பாய்ந்தார். கொழுந்துவிட்டு எரிந்த தீ மற்றும் புகைக்கு நடுவே போராடி, தன் இரண்டு பெண் குழந்தைகளையும் பத்திரமாக வெளியே மீட்டு வந்தார்.
இச்சம்பவத்தில் ராய் லூகாஸுக்குக் கடுமையான தீக்காயங்கள் ஏற்பட்டதுடன், 3 நாட்களுக்குத் தற்காலிகமாகப் பார்வையும் பறிபோனது. “என் குழந்தைகளை வெளியே எடுக்க வேண்டும் என்ற எண்ணம் மட்டுமே என் மனதில் இருந்தது” என்று நெகிழ்ச்சியோடு கூறியுள்ள இந்த தந்தையின் வீரச் செயலை உலகம் முழுவதும் உள்ள மக்கள் பாராட்டி வருகின்றனர்.