ஈரான் அணு ஆயுதம் உற்பத்தி செய்வதைத் தடுக்கும் நோக்கத்துடன் அமெரிக்காவும், இஸ்ரேலும் இணைந்து அந்நாட்டின் மீது போரைத் தொடங்கின. இந்தப் போர் தொடங்கி ஐந்து மாதங்கள் நிறைவடைந்துள்ள நிலையிலும், அமெரிக்காவுக்கும் ஈரானுக்கும் இடையே அமைதிப் பேச்சுவார்த்தையில் எந்தவித நிரந்தர உடன்பாடும் எட்டப்படவில்லை. தொடக்கத்தில் இருந்தே இரு தரப்பிற்கும் இடையிலான மோதல் தொடர்ந்து தீவிரமாகவே நீடித்து வருகிறது.
இதற்கிடையில், சுமார் இரண்டு மாதங்களுக்கு முன்பு அமெரிக்கா மற்றும் ஈரான் இடையே ஒரு கட்டத்தில் பேச்சுவார்த்தையில் உடன்பாடு ஏற்பட்டு, இரு நாடுகளும் போர் நிறுத்த ஒப்பந்தத்தில் கையெழுத்திட்டன. ஆனால், இந்த அமைதி சில நாட்கள் கூட நீடிக்கவில்லை. முக்கிய வர்த்தகப் பாதையான ஹார்மூஸ் நீரிணை வழியாகச் சென்ற சரக்குக் கப்பல்களைக் குறிவைத்து ஈரான் மீண்டும் தாக்குதல்களைத் தொடங்கியதால், கடும் கோபமடைந்த அமெரிக்கா ஒப்பந்தத்தை ரத்து செய்துவிட்டு ஈரானின் மீது மீண்டும் தனது தாக்குதல்களைத் தீவிரப்படுத்தியது.
தற்போது, அமெரிக்காவின் தொடர் தாக்குதல்களால் ஈரானின் ராணுவ பலம் 100 சதவீதம் முற்றிலுமாக அழிக்கப்பட்டுவிட்டதாகவும், இரு நாடுகளுக்கும் இடையேயான இந்தப் போர் அதன் இறுதிக்கட்டத்தை எட்டிவிட்டதாகவும் தகவல்கள் தெரிவிக்கின்றன. இதன் தொடர்ச்சியாக, ஈரானின் பொருளாதார வாழ்வாதாரங்களை முற்றிலும் முடக்கும் நோக்கத்துடன், ‘Economic Day’ (பொருளாதார நாள்) என்ற பெயரில் வரலாற்றில் இதுவரை இல்லாத அளவிலான புதிய மற்றும் கடுமையான பொருளாதாரத் தடைகளை விதிக்க உள்ளதாக அமெரிக்க நிதியமைச்சகம் அறிவித்துள்ளது.