தெலங்கானா மாநிலம் சங்கா ரெட்டியில், காதலனுக்காகப் பெற்றோரைக் கொன்ற வழக்கில் கைதாகி ஜாமீனில் வெளிவந்த சுரேகா என்ற இளம் செவிலியர் தனியார் விடுதியில் தற்கொலை செய்து கொண்ட சம்பவம் பெரும் அதிர்ச்சியை ஏற்படுத்தியுள்ளது. தனது காதல் திருமணத்திற்குப் பெற்றோர் சம்மதிக்காததால் ஆத்திரமடைந்த சுரேகா, கடந்த ஜனவரி மாதம் தனது சொந்தப் பெற்றோருக்கு உணவில் விஷம் வைத்துக் கொடூரமாகக் கொலை செய்தார். இச்சம்பவம் தொடர்பாக வழக்குப்பதிவு செய்த போலீசார் அவரைக்கைது செய்து சிறையில் அடைத்தனர்.
சமீபத்தில் நீதிமன்றப் பிணையில் சிறையிலிருந்து வெளிவந்த சுரேகா, சங்கா ரெட்டியில் உள்ள ஒரு தனியார் விடுதியில் தங்கியிருந்துள்ளார். அங்கு தனக்கு தானே விஷ ஊசிசெலுத்திக் கொண்டு தற்கொலை செய்துகொண்டுள்ளார். காதலனுக்காகப் பெற்றோரைக் கொன்று தானும் தற்கொலை செய்து கொண்ட செவிலியரின் இந்த விபரீத முடிவு அப்பகுதியில் பெரும் பரபரப்பை ஏற்படுத்தியுள்ளது.