தாயார் ஒருவர் தனது இரண்டு சிறு குழந்தைகளையும் அழைத்துச் செல்லாமல், அவர்களை வலுக்கட்டாயமாக வீட்டிற்குள்ளேயே பூட்டிச் சென்றுள்ளார். தாயுடன் செல்ல வேண்டும் என அடம் பிடித்த குழந்தைகள், தாய் தங்களைப் பூட்டிவிட்டுச் சென்றதால் ஜன்னல் அருகே நின்றபடி கதறி அழுதுள்ளனர். நீண்ட நேரமாகக் கதறி அழுது தவித்த அக்குழந்தைகள், மன உளைச்சலாலும் சோர்வாலும் இறுதியில் அந்த ஜன்னல் அருகிலேயே தூங்கிப்போயுள்ளனர்.
இந்தத் தாயின் இரக்கமற்ற செயலையும், பிஞ்சு குழந்தைகளின் பரிதாப நிலையையும் விவரிக்கும் பதிவு சமூக வலைதளங்களில் வெளியாகிப் பெரும் வைரலாகி வருகிறது. “குழந்தைகளின் பாதுகாப்பை விட வேறு எதுவுமே முக்கியமில்லை; இவ்வளவு இரக்கமற்ற தாயாக இருக்கக் கூடாது” எனப் பதிவைப் பார்த்த நெட்டிசன்கள் பலரும் தங்களது வேதனையையும் கண்டனத்தையும் பதிவு செய்து வருகின்றனர்.