கடந்த சட்டப்பேரவைத் தேர்தலில் உதயசூரியன் சின்னத்தில் போட்டியிட்டு வெற்றியடைந்த கடையநல்லூர் மதிமுக எம்.எல்.ஏ. ராஜேந்திரன், அண்மையில் தான் திமுக எம்.எல்.ஏ-வாகத் தொடர்வதாக அறிவித்து அரசியல் வட்டாரத்தில் பரபரப்பை ஏற்படுத்தினார்.
இதனிடையே, முன்னதாக மதிமுக முதன்மைச் செயலாளர் துரை வைகோவால் திறந்து வைக்கப்பட்டிருந்த அவரது எம்.எல்.ஏ. அலுவலகத்தின் பெயர் பலகையில், மதிமுக கொடியின் வண்ணத்தில் இருந்த பகுதி தற்போது அதிரடியாக திமுக கொடியின் வண்ணத்திற்கு மாற்றப்பட்டுள்ளது. தேர்தல் காலத்தில் கூட்டணி ஒப்பந்தப்படி திமுக சின்னத்தில் போட்டியிட்ட போதிலும், தற்போது அவர் பகிரங்கமாகத் திமுக ஆதரவு நிலைப்பாட்டை எடுத்துள்ளதை இந்த அலுவலகப் பெயர் பலகை மாற்றம் உறுதி செய்துள்ளது.