தமிழகத்தின் சமூகநீதித் துறை அமைச்சரும் கள்ளக்குறிச்சி மாவட்ட பொறுப்பு அமைச்சருமான விடுதலைச் சிறுத்தைகள் கட்சியின் வன்னி அரசு, சென்னை போயஸ் கார்டனில் உள்ள நடிகர் ரஜினிகாந்தின் இல்லத்திற்கு நேரில் சென்று அவரிடம் வாழ்த்து பெற்றுள்ளார். அமைச்சர் பதவி ஏற்றதிலிருந்து சூப்பர் ஸ்டார் ரஜினிகாந்தைச் சந்திக்க வேண்டும் என்ற விருப்பம் இருந்த நிலையில், தற்போது கிடைத்த வாய்ப்பைப் பயன்படுத்தி அவரைச் சந்தித்ததாகக் குறிப்பிட்ட அமைச்சர் வன்னி அரசு, மக்கள் நலனுக்காக அர்ப்பணிப்புடன் உழைக்குமாறு “நிறைய மக்களுக்குச் செய்யுங்கள், வாழ்த்துகள்” என ரஜினிகாந்த் தம்மை வாழ்த்தியதாகத் தெரிவித்துள்ளார். இந்தச் சந்திப்பின்போது எடுக்கப்பட்ட புகைப்படங்களைத் தனது எக்ஸ் பக்கத்தில் அவர் பகிர்ந்துள்ள நிலையில், அவை சமூக வலைதளங்களில் வைரலாகி வருகின்றன.
