தமிழகத்தை அனைத்துத் துறைகளிலும் முன்னோடி மாநிலமாக மாற்றுவதற்குத் தமிழக வெற்றித்துக் கழக அரசு உறுதியோடு செயல்பட்டு வருவதாக அமைச்சர் செங்கோட்டையன் தெரிவித்துள்ளார். செய்தியாளர்களிடம் பேசிய அவர், “அடுத்த பிறவி என்று ஒன்று இருந்தால், நான் ஒரு விவசாயக் குடும்பத்தில் பிறக்க வேண்டும்” என்று முதலமைச்சர் விஜய் கூறியதை நினைவுகூர்ந்தார். மேகதாது அணை விவகாரத்தில் தமிழக அரசின் அனுமதியின்றி எந்தவொரு திட்டமும் செயல்படுத்தப்படாது என்றும், டெல்டா விவசாயிகளின் நலனைப் பாதுகாப்பதே அரசின் முதன்மை இலக்கு என்றும் அவர் திட்டவட்டமாக எடுத்துரைத்தார்.
மேகதாது விவகாரம் குறித்து முதலமைச்சர் விஜய் வாய் திறக்க மறுப்பதாக எழும் குற்றச்சாட்டுகளுக்குப் பதிலளித்த அமைச்சர், “முதலமைச்சர் வாய் திறந்தால் பலருக்கு ஆபத்து வருகிறது; அதனால்தான் அவர் வாய் திறப்பதில்லை” எனத் தெரிவித்தார். மேகதாது அணை கட்டுவதைத் தமிழக அரசு ஒருபோதும் அனுமதிக்காது என்றும், மாநில நலனுக்காக அனைவரும் ஒருங்கிணைந்து செயல்பட்டு இந்த விவகாரத்திற்கு முற்றுப்புள்ளி வைப்போம் என்றும் அவர் உறுதி அளித்தார். முதலமைச்சர் விஜய்யின் ஆட்சிக்காலம் தமிழ்நாட்டின் பொற்காலமாகத் திகழும் என்றும் அமைச்சர் செங்கோட்டையன் நம்பிக்கையோடு குறிப்பிட்டார்.