கொளத்தூர் தொகுதி வாக்குப்பதிவில் பெரும் முறைகேடு நடந்துள்ளதாக திமுக வழக்கறிஞர் பிரிவுச் செயலாளர் என்.ஆர். இளங்கோ பகிரங்கக் குற்றச்சாட்டை முன்வைத்துள்ளார். செய்தியாளர்கள் சந்திப்பில் பேசிய அவர், வாக்குப்பதிவு இயந்திரங்கள் பாதுகாப்புடன் வைக்கப்படவில்லை என்றும், இதுவரை ஆய்வு செய்யப்பட்ட 8 இயந்திரங்களில் 3-ல் பழுது கண்டறியப்பட்டுள்ளதன் மூலம் ஒட்டுமொத்தமாக சுமார் 30 சதவீத இயந்திரங்களில் கோளாறுகள் இருப்பது தெரியவந்துள்ளதாகவும் சுட்டிக்காட்டினார்.
வாக்கு எண்ணும் மையங்களில் வெளிப்படைத்தன்மை கேள்விக்குறியாக்கப்பட்டிருப்பதாக வேதனை தெரிவித்த அவர், மக்களின் ஜனநாயகத் தீர்ப்பை சிதைக்கும் வகையில் நடைபெற்றுள்ள இந்த முறைகேடுகளுக்கு எதிராக உடனடியாக நீதிமன்றத்தை நாடி சட்டப்பூர்வ நடவடிக்கை எடுக்கப்போவதாக திட்டவட்டமாகத் தெரிவித்துள்ளார்.