2027 ஆம் ஆண்டு ஆப்பிரிக்காவில் நடைபெறவுள்ள ஐசிசி ஒருநாள் உலகக்கோப்பை கிரிக்கெட் தொடருக்கான இந்திய அணியில் இடம்பெறக்கூடிய சாத்தியமுள்ள வீரர்களை கிரிக்கெட் ஜாம்பவான் ரவிச்சந்திரன் அஸ்வின் துணிச்சலாகத் தேர்வு செய்துள்ளார். ரோகித் சர்மா மற்றும் விராட் கோலி ஆகியோரின் கடைசி உலகக்கோப்பை தொடராக இது அமையவுள்ளதால், இத்தொடருக்கான எதிர்பார்ப்பு ரசிகர்களிடையே இப்போதே உச்சத்தை எட்டியுள்ளது. இதனை முன்னிட்டு, தற்போதைய இந்திய அணியின் ஒட்டுமொத்த வீரர்களின் திறமையை ஆய்வு செய்த அஸ்வின், 13 வீரர்கள் அணியில் இடம்பிடிப்பது உறுதி என்றும், 8 வீரர்கள் அந்தப் பட்டியலில் வர வாய்ப்புள்ளதாகவும் குறிப்பிட்டுள்ளார்.
அஸ்வின் வெளியிட்டுள்ள கணிப்பின்படி, சுப்மன் கில், விராட் கோலி, ரோகித் சர்மா, ஸ்ரேயாஸ் ஐயர், கேஎல் ராகுல், இஷான் கிஷன், அக்சர் படேல், குல்தீப் யாதவ், ஹர்திக் பாண்டியா, ஹர்சித் ராணா, முகமது சிராஜ், ஜஸ்பிரித் பும்ரா மற்றும் புவனேஷ்வர் குமார் ஆகியோர் கட்டாயம் அணியில் இடம்பெறுவார்கள். மேலும், ருதுராஜ் கெய்க்வாட், யஷஸ்வி ஜெய்ஸ்வால், ரவீந்திர ஜடேஜா, முகமது ஷமி மற்றும் அர்ஷ்தீப் சிங் போன்ற முன்னணி வீரர்களுக்கு அணியில் இடம்கிடைக்க நல்ல வாய்ப்புகள் உள்ளதாகவும் அவர் தெளிவுபடுத்தியுள்ளார்.
அதேவேளையில், சஞ்சு சாம்சன், சிவம் துபே, அபிஷேக் சர்மா, வாஷிங்டன் சுந்தர் மற்றும் ரிஷப் பண்ட் உள்ளிட்ட 9 வீரர்களுக்கு உலகக்கோப்பை அணியில் வாய்ப்பு கிடைக்காது என்று அஸ்வின் திட்டவட்டமாகத் தெரிவித்துள்ளார். தென்னாப்பிரிக்கப் பிட்சுகளின் தன்மையைக் கருத்தில் கொண்டு சுழற்பந்து வீச்சாளர்களின் பங்கு குறைவாகவே இருக்கும் என்பதால், சில முக்கிய வீரர்களைத் தனது திட்டத்திலிருந்து அவர் கழக்கிட்டுள்ளார். ஹர்திக் பாண்டியாவின் மாற்று வீரராக மட்டுமே சிவம் துபேவுக்கு வாய்ப்பு கிடைக்கும் என்ற வாதமும் கிரிக்கெட் வட்டாரத்தில் பெரும் விவாதத்தை ஏற்படுத்தியுள்ளது.