பெங்களூரு ஊரக மாவட்டம் தேவனஹள்ளி தாலுகாவில் உள்ள ஃபாக்ஸ்கான் உற்பத்தி ஆலை அருகே அதிர்ச்சியளிக்கும் சாலை வன்முறைச் சம்பவம் ஒன்று நடந்துள்ளது. சரியான பாதையில் சென்று கொண்டிருந்த டாடா ஏஸ் சரக்கு வாகன ஓட்டுநரை, இருசக்கர வாகனத்தில் வந்த நபர் ஒருவர் தாக்கியுள்ளார். இந்த ஒட்டுமொத்த சம்பவமும் சரக்கு வாகனத்தில் இருந்த டாஷ்கேமில் தெளிவாகப் பதிவாகியுள்ளது.
இரண்டு நாட்களுக்கு முன்பு நடைபெற்ற இச்சம்பவத்தின் போது, எதிரே வந்த டிராக்டருக்கு வழிவிடுவதற்காகச் சரக்கு வாகன ஓட்டுநர் தனது வாகனத்தைச் சற்றே ஓர ஒதுக்கியுள்ளார். அப்போது, தவறான பாதையில் அதிவேகமாக வந்த இருசக்கர வாகன ஓட்டி, இதைப் பார்த்து ஆத்திரமடைந்துள்ளார். தகாத வார்த்தைகளால் திட்டியதோடு மட்டுமின்றி, அந்தச் சரக்கு வாகனத்தைத் துரத்திச் சென்று வழிமறித்து, அதன் ஓட்டுநரைத் கொடூரமாகத் தாக்கியுள்ளார்.
https://twitter.com/HateDetectors/status/2081684402019652007/video/1
இச்சம்பவம் பெங்களூரு ஊரக மாவட்டத்தின் விஸ்வநாதபுரா காவல் நிலைய எல்லைக்கு உட்பட்ட பகுதியில் நடந்துள்ளது. இதுதொடர்பாக வழக்குப் பதிவு செய்துள்ள காவல்துறையினர் தீவிர விசாரணை மேற்கொண்டு வருகின்றனர். காரில் இருந்த டாஷ்கேம் காட்சிகள் காவல்துறையினருக்குக் கிடைத்துள்ளதால், குற்றவாளியை விரைவில் அடையாளம் கண்டு கைது செய்ய இந்த வீடியோ முக்கிய ஆதாரமாக இருக்கும் என எதிர்பார்க்கப்படுகிறது.