திமுகவில் விரைவில் மாபெரும் மறுசீரமைப்பு பணிகள் தொடங்கவுள்ள நிலையில், கட்சியின் பொதுச் செயலாளர் பதவிக்கு எம்பி கனிமொழி தேர்வாக அதிக வாய்ப்புள்ளதாகத் தகவல்கள் தெரிவிக்கின்றன. மூத்த தலைவரான டி.ஆர்.பாலுவுக்கு இப்பதவியை அளித்தால் இளைஞர்களின் ஆதரவை திரட்டுவது சவாலாக இருக்கும் என்றும், ஆ.ராசாவை நியமித்தால் ஓபிசி சமூகத்தினரின் வாக்கு வங்கி பாதிக்கப்படலாம் என்றும் கட்சி தலைமை கருதுகிறது.
இதனால், திமுகவை அனைத்து தரப்பு மக்களிடமும், குறிப்பாக பெண்கள் மற்றும் இளைஞர்களிடம் கொண்டு சேர்க்கும் வகையில், அனைவராலும் ஏற்றுக்கொள்ளப்படக்கூடிய கனிமொழியை பொதுச் செயலாளராக நியமிப்பதே சிறந்த முடிவாக இருக்கும் என திமுக தலைமை தீவிரமாக பரிசீலித்து வருகிறது.