பாமகவில் ராமதாஸுடன் ஸ்ரீகாந்தி மீண்டும் இணைந்துள்ள நிலையில், அவரும் ஜி.கே.மணியும் கட்சிக்குள் வரக்கூடாது என்பதில் அன்புமணி ராமதாஸ் மிகவும் கறாராக இருப்பதாக அரசியல் வட்டாரங்களில் தகவல் வெளியாகியுள்ளது. இதனால் கடும் மன உளைச்சலுக்கு ஆளான ஸ்ரீகாந்தி, கட்சி நெருக்கடியான சூழலில் இருந்தபோதெல்லாம் தான் உறுதுணையாக இருந்ததாகவும், இப்போது தன்னையும் தனது ஆதரவாளர்களையும் ஓரங்கட்டுவது எந்த விதத்தில் நியாயம் என்றும் ராமதாஸிடம் நேரடியாகப் புலம்பி வருத்தப்பட்டுள்ளார்.
இருப்பினும், கட்சியின் எதிர்காலம் மற்றும் அடுத்தகட்ட நகர்வுகள் அனைத்தும் அன்புமணியைச் சுற்றியே அமைந்துள்ளதால், இந்த விவகாரத்தில் ராமதாஸ் தலையிட மறுத்து, கட்சியின் எதிர்காலம் அன்புமணி தான் என்பதை அவரிடம் திட்டவட்டமாகக் கூறிவிட்டதாக அறிவாலய வட்டாரங்கள் தெரிவிக்கின்றன.