கரூரில் நடைபெற்ற மக்கள் சந்திப்பு நிகழ்ச்சியில் தமிழக முதல்வர் விஜய், தனது அரசின் செயல்பாடுகள் குறித்தும் எதிர்க்கட்சிகளின் விமர்சனங்கள் குறித்தும் ஆவேசமாகப் உரையாற்றினார். மேடையில் பேசிய அவர், அரசுப் பணிகளில் லஞ்சமும் ஊழலும் முற்றிலும் ஒழிக்கப்பட்டு வருவதாகவும், இது வெறும் ஆரம்பம் மட்டுமே என்றும், வரும் நாட்களில் அரசின் விஸ்வரூபத்தை மக்கள் பார்ப்பார்கள் என்றும் அதிரடியாகத் தெரிவித்தார். “வாயைத் திறங்க சிஎம்” என்று விமர்சிப்பவர்களுக்குப் பதிலடி கொடுக்கும் விதமாக, தான் ஐந்து நிமிடங்கள் பேசினாலே எதிர்க்கட்சிகள் நிலைகுலைந்து போவதாகவும், இன்னும் பேசினால் மொத்தமாக முடிந்துவிடும் என்றும் சாடினார். மேலும், (குறைவாகப் பேசு, நிறைவாகச் செயல்படு) என்பதே தனது பாலிசி என்றும், மேகதாது அணை விவகாரம் போன்ற மாநில உரிமைப் பிரச்சினைகளில் வாய்ச்சவடால் அடிக்காமல், உரிய இடங்களில் தேவையான வேலைகளைத் தன் அரசு அமைதியாகச் செய்து வருவதாகவும் அவர் தெளிவுபடுத்தினார்.
பொதுமக்களிடம் லஞ்சம் கேட்டால் தைரியமாக மறுக்கும்படி கேட்டுக்கொண்ட முதல்வர் விஜய், “யாராவது வற்புறுத்தினால், இது எங்கள் விஜய் ஆட்சி என்று ஸ்ட்ராங்காகச் சொல்லுங்கள், நான் உங்களுக்குத் துணையாக இருக்கிறேன்” என உருக்கமாகக் குறிப்பிட்டார். மக்கள் தன் பக்கம் இருக்கும் வரை லஞ்ச ஊழலோ, அதிகார ஆட்டமோ இங்கு செல்லுபடியாகாது என்று முழங்கிய அவர், ஒரு காலத்தில் ‘கடமை கண்ணியம் கட்டுப்பாடு’ என்ற கொள்கையோடு இருந்த கட்சிகள் இன்று தடம் மாறிப் போயிருப்பதை மக்கள் அறிவார்கள் என மறைமுகமாக விமர்சித்தார். சவால்களுக்கும் வீண் கச்சேரிகளுக்கும் அஞ்சாமல், பேச்சை விடச் செயலுக்கே முன்னுரிமை கொடுத்து மக்களின் நலனுக்காகத் தொடர்ந்து உழைப்பதே தனது இலக்கு என்பதை இந்த கரூர் பொதுக்கூட்டத்தின் மூலம் முதல்வர் விஜய் அழுத்தமாகப் பதிவு செய்துள்ளார்.