நியூ ஜெர்சியில் உள்ள ஓஷன் டவுன்ஷிப் பிஜேஸ் மொத்த விற்பனை கடையின் (BJ’s Wholesale Club) மேற்கூரையின் ஒரு பகுதி திடீரென சரிந்து விழுந்த அதிர்ச்சியூட்டும் வீடியோ காட்சிகள் தற்போது வெளியாகியுள்ளன. திங்கள்கிழமை காலை அப்பகுதியில் நிலவிய கடுமையான மோசமான வானிலை காரணமாக இந்த விபத்து நிகழ்ந்துள்ளது. கடையின் கூரை உடைந்து அதன் வழியே தண்ணீர் பலத்த சத்தத்துடன் உள்ளே கொட்டுவதைக் கண்டு, அங்கிருந்த வாடிக்கையாளர்கள் தங்களின் உயிரைக் காப்பாற்றிக் கொள்ள அலறியடித்துக்கொண்டு பாதுகாப்பான இடங்களை நோக்கி ஓடும் காட்சிகள் அந்த வீடியோவில் பதிவாகியுள்ளன.
https://twitter.com/FoxNews/status/2074245167998025743/photo/1
இந்த விபத்தின் போது கட்டிடத்திற்குள் ஏராளமான பொது மக்கள் சிக்கியிருப்பதாக தகவல் வெளியானதைத் தொடர்ந்து, சம்பவ இடத்திற்கு பெரும் எண்ணிக்கையிலான அவசரக்கால மீட்புப் படையினர் மற்றும் அதிகாரிகள் விரைந்து வந்து தீவிர மீட்புப் பணியில் ஈடுபட்டனர். அதிர்ஷ்டவசமாக இந்த விபத்தில் யாருக்கும் எந்தவிதமான காயமும் ஏற்படவில்லை என்று அதிகாரிகள் தரப்பில் தெரிவிக்கப்பட்டுள்ளது. இடிந்து விழுந்ததற்கான துல்லியமான காரணம் என்ன என்பது குறித்து அதிகாரிகள் தொடர்ந்து தீவிர விசாரணை மேற்கொண்டு வருகின்றனர்.