சந்தைகள் அல்லது பண்ணைகளில் நேரடியாக வாங்கப்படும் முட்டைகள் கிருமி நீக்கம் செய்யப்படாமல் விற்கப்படுகின்றன. இதனால் முட்டை ஓட்டின் மீது ஒட்டியிருக்கும் அழுக்கு, தூசி, கோழி இறகுகள் மற்றும் கோழி எச்சம் போன்றவற்றின் மூலம் சால்மோனெல்லா போன்ற ஆபத்தான பாக்டீரியாக்கள் பரவுகின்றன. இந்த பாக்டீரியாக்கள் கலந்த முட்டையைக் கழுவாமல் அப்படியே சமைக்கும் போது, அது உணவை நஞ்சாக்கி, கடுமையான வயிற்று வலி மற்றும் வாந்தி போன்ற உபாதைகளை ஏற்படுத்துகிறது.
முட்டையின் வெளிப்புற ஓடு பார்ப்பதற்கு மிகவும் கடினமாகத் தோன்றினாலும், அதில் மிக நுண்ணிய துளைகள் நிறைந்துள்ளன. முட்டையைச் சுத்தம் செய்யாமல் அப்படியே வைத்திருக்கும் போது, ஓட்டின் மேல் இருக்கும் பாக்டீரியாக்கள் இந்தச் சின்னச் சின்ன துளைகளின் வழியாக முட்டையின் உட்பகுதிக்குள் மிக எளிதாக நுழைந்து விடுகின்றன. எனவே, சமைப்பதற்கு முன்பு முட்டையைக் குளிர்ந்த நீரில் நன்றாகக் கழுவி, பின்னர் சுத்தமான காய்ந்த துணி அல்லது டிஷ்யூ பேப்பர் கொண்டு துடைத்துவிட்டுப் பயன்படுத்துவது அவசியம்.
கடைகளில் அல்லது பண்ணைகளில் இருந்து வாங்கி வரும் முட்டைகளை அதிக நாட்கள் ஃப்ரிட்ஜில் வைத்துப் பயன்படுத்துவதைத் தவிர்க்க வேண்டும். ஏனெனில், முட்டைகளை நீண்ட நாட்கள் குளிர்சாதனப் பெட்டியில் வைப்பது, அவற்றின் மேல் பாக்டீரியாக்கள் மிக வேகமாக வளர்வதற்கு சாதகமான சூழ்நிலையை உருவாக்கிவிடும். இதனால் முட்டையின் தரம் குறைவதோடு, உடல்நலக் குறைபாடுகள் ஏற்படும் அபாயமும் கணிசமாக அதிகரிக்கிறது.