தமிழ் சினிமாவின் உச்ச நட்சத்திரமாகத் திகழ்ந்து, இன்று தமிழகத்தின் முதலமைச்சராக அரியணை ஏறியிருக்கும் விஜய்யின் அரசியல் பயணம் பலராலும் உற்றுநோக்கப்பட்டு வருகிறது. அவர் இன்று அதிகாரத்தின் உச்சியில் இருப்பதால், எவ்வித கஷ்டங்களும் இன்றி சொகுசாக வளர்ந்தவர் என்று பலரும் நினைத்துக் கொண்டிருக்கிறார்கள். ஆனால், அதற்கு நேர்மாறாக அவரது ஆரம்பகால வாழ்க்கையின் பின்னணியில் பலரும் அறியாத கடுமையான குடும்பப் போராட்டமும், வறுமையின் வலியும் இருந்திருக்கிறது என்ற உண்மையை இயக்குநரும் நடிகருமான ரங்கநாதன் அண்மையில் பகிர்ந்துள்ளார். இந்தத் தகவல் தற்போது சமூக வலைதளங்களில் வெளியாகி ஒட்டுமொத்த தமிழகத்தையும் நெகிழ வைத்துள்ளது.
விஜய் கைக்குழந்தையாக இருந்த காலத்தில், அவரது தந்தை எஸ்.ஏ. சந்திரசேகர் சினிமாவில் ஒரு நல்ல வாய்ப்புக்காக அலைந்து திரிந்திருக்கிறார். அப்போது குழந்தைக்கு ஒரு டின் பால் பவுடர் வாங்கக் கூட காசில்லாத மிக மோசமான வறுமைச் சூழல் அந்த குடும்பத்தில் நிலவியுள்ளது. உதவி கேட்டு ஒரு பிரபல நடிகரின் வீட்டின் வாசலில் தொடர்ந்து இரண்டு நாட்கள் காத்துக் கிடந்தும், ஏமாற்றமே மிஞ்சியிருக்கிறது. “நாளைக்கு வா” என்று சொல்லி அலையவிடப்பட்ட எஸ்.ஏ. சந்திரசேகருக்கு, கடைசி வரை அந்தப் பால் பவுடர் கூட கிடைக்கவில்லை. இந்த அவமானமும் வலியும்தான் விஜய்யின் குடும்பத்தை பக்குவப்படுத்திய அடித்தளமாக இருந்திருக்கிறது. பிற்காலத்தில் வளர்ந்த பிறகு தன் பெற்றோர் சந்தித்த இந்த அவமானங்களை விஜயிடம் கூறி, எதற்கும் கலங்காத மனப்பக்குவத்துடனேயே அவரை வளர்த்துள்ளனர்.
சினிமாவில் அறிமுகமான காலகட்டத்தில் விஜய்யின் தோற்றம் மற்றும் நடிப்பு குறித்து எழுந்த மிகக் கடுமையான விமர்சனங்களை அவர் அமைதியாகக் கடந்து வந்ததற்கு, பெற்றோர் கற்றுக்கொடுத்த இந்த வாழ்க்கைப் பாடமே காரணமாகும். விமர்சனங்களுக்கு வார்த்தைகளால் பதிலளிக்காமல், தன் கடின உழைப்பால் மட்டுமே பதில் சொல்லி தமிழ் சினிமாவின் வசூல் சக்கரவர்த்தியாக உயர்ந்தார். அதே விடாமுயற்சியுடன் அரசியலிலும் தடம் பதித்து, இன்று மக்களின் பேராதரவோடு தமிழ்நாட்டின் முதலமைச்சராகப் பொறுப்பேற்றுள்ளார். “பால் பவுடருக்கே வழியில்லாத குடும்பத்தில் பிறந்த ஒரு குழந்தை, இன்று மாநிலத்தின் முதல்வராக உயர்ந்திருக்கிறது” என்ற ரங்கநாதனின் இந்த உருக்கமான பேட்டி, விடாமுயற்சியும் உழைப்பும் இருந்தால் யாராலும் சாதிக்க முடியும் என்ற விவாதத்தை சமூக வலைதளங்களில் மீண்டும் கிளப்பியுள்ளது.