சென்னை மவுலிவாக்கம் பகுதியில் 17 வயது சிறுமி ஒருவர் அவரது நண்பர்களாலேயே பாலியல் வன்கொடுமைக்கு உள்ளாக்கப்பட்ட கொடூர சம்பவம் பெரும் அதிர்ச்சியை ஏற்படுத்தியுள்ளது. பாதிக்கப்பட்ட சிறுமியின் பெற்றோர் அளித்த புகாரின் பேரில், போரூர் அனைத்து மகளிர் காவல் நிலைய போலீசார் வழக்குப்பதிவு செய்து தீவிர விசாரணை மேற்கொண்டு வருகின்றனர். போதை வெறியில் இருந்த நண்பர்களே இந்த அராஜக செயலில் ஈடுபட்டுள்ளதாக முதற்கட்ட விசாரணையில் தெரியவந்துள்ளது.
இந்த கொடூர சம்பவத்தால் உடல் ரீதியாகவும் மன ரீதியாகவும் கடுமையாக பாதிக்கப்பட்டுள்ள அச்சிறுமி, தற்போது சிகிச்சைக்காக அரசு மருத்துவமனையில் அனுமதிக்கப்பட்டுள்ளார். அவருக்கு அங்கு தீவிர மருத்துவக் கண்காணிப்பில் சிகிச்சையளிக்கப்பட்டு வருகிறது. இந்த வழக்கில் தொடர்புடைய நபர்களைக் கைது செய்து கடுமையான சட்டப் பிரிவுகளின் கீழ் நடவடிக்கை எடுக்க போலீசார் தீவிரமாக முடுக்கிவிடப்பட்டுள்ளனர்.