ஒரு விவசாயி தனது வயலில் டிராக்டர் மூலம் உழவு செய்து கொண்டிருந்த போது, அங்கு இட்டிருந்த முட்டைகளைக் காப்பாற்ற ஒரு தாய் பறவை காட்டிய பாசப் போராட்டம் இணையத்தில் பெரும் வைரலாகி வருகிறது. மற்றவர்களுக்கு அவை வெறும் முட்டைகளாகத் தெரிந்தாலும், அந்தத் தாய் பறவைக்கு அவைதான் உலகம் என்பதை உணர்த்தும் வகையில் இந்த நெகிழ்ச்சியான சம்பவம் நடந்துள்ளது.
வயலில் உழவுப் பணி நடந்து கொண்டிருந்த போது, டிராக்டர் தனது முட்டைகளை நோக்கி நெருங்கி வருவதை அந்தப் பறவை கவனித்தது. உடனே சற்றும் பயப்படாமல், டிராக்டரின் முன் தன் இறக்கைகளை விரித்து கம்பீரமாக நின்றுகொண்டு, உரத்த குரலில் கத்தியபடி எச்சரிக்கை விடுத்துள்ளது. தன் வருங்காலக் குஞ்சுகளின் உயிரைக் காக்க, தன்னுயிரையும் பொருட்படுத்தாமல் அந்தத் தாய் பறவை காட்டிய துணிச்சல் பார்ப்பவர்களின் கண்களைக் குளமாக்குகிறது.
https://www.instagram.com/reel/DZcosYrM7n6/?utm_source=ig_web_copy_link&igsh=NTc4MTIwNjQ2YQ==
தாய் பறவையின் இந்த தீரமானப் போராட்டத்தைக் கண்டு நெகிழ்ந்த டிராக்டர் ஓட்டுநர், உடனடியாக வண்டியை நிறுத்திவிட்டு கீழே இறங்கிப் பார்த்துள்ளார். அங்கு பறவையின் முட்டைகள் இருப்பதைக் கண்டு, மனிதநேயத்துடன் அந்தப் பறவையின் பாசத்திற்கு மதிப்பளித்து அதை அப்படியே தன் கேமராவில் பதிவு செய்துள்ளார். இன்ஸ்டாகிராமில் பகிரப்பட்ட இந்த வீடியோ, கோடிக்கணக்கான பார்வைகளைப் பெற்று நெட்டிசன்களின் இதயங்களை வென்றுள்ளது.