பாஜக மூத்த தலைவர் ஹெச்.ராஜா செய்தியாளர்களை சந்தித்து பேசுகையில், பாஜக ஒரு சித்தாந்தக் கட்சி என்றும், அக்கட்சியில் இருந்து வெளியேறி பிரகாசித்தவர்கள் எவரும் இலர் என்றும் சுட்டிக்காட்டப்பட்டுள்ளது. காங்கிரஸிலிருந்து வெளியேறியவர்கள் பெரிய மனிதர்களாக மாறிய வரலாறு உண்டு, ஆனால் பாஜகவில் அண்ணாமலை வெளியேறியதால் கட்சிக்கு எவ்வித பின்னடைவும் இல்லை. கடந்த 2014 ஆம் ஆண்டு 19 சதவீதமாக இருந்த பாஜகவின் வாக்கு வங்கி, 2024 இல் அண்ணாமலை இருந்தபோது 18 சதவீதமாக, அதாவது ஒரு சதவீதம் குறைந்துள்ளதே இதற்குச் சான்றாகும்.
தமிழகத்தின் தற்போதைய அரசியல் சூழலில், ஜோசப் விஜய் பெரும்பான்மை பலம் இல்லாமல், சில சிறிய கட்சிகளைச் சேர்த்துக்கொண்டு ஆட்சி அமைத்துள்ளார் . இது மக்கள் ஆதரவு முழுமையாக இல்லாத, பொறுப்பற்ற, தான்தோன்றித்தனமான மற்றும் மக்கள் மீது அக்கறையற்ற ஒரு அரசாங்கமாகும். இந்த ஆட்சியில் உள்ள அமைச்சர்கள் யாரும் அறிவார்ந்தவர்களாக இல்லை என்றும், பணம் டீல் செய்யக்கூடிய மார்ட்டின் குடும்பத்தின் பின்னணியில் தான் இந்த அரசு ஆட்டி வைக்கப்படுகிறது என்றும் கூறியுள்ளார்.
தமிழகத்தில் சட்டம் ஒழுங்கு முற்றிலும் சீர்குலைந்துள்ளதற்குச் சான்றாக, கடந்த 30 நாட்களில் 40-க்கும் மேற்பட்டோர் பாலியல் வன்கொடுமைக்கு ஆளாக்கப்பட்டுள்ளதும், 3 வயது பிஞ்சு குழந்தை கூட சிதைக்கப்பட்டுள்ளதும் சுட்டிக்காட்டியுள்ளார். பாதிக்கப்பட்ட மக்களைச் சந்திக்கச் செல்லாமல் பரந்தூருக்குப் பறந்து சென்ற முதலமைச்சர் ஒரு தீயசக்தி என்றும், இத்தகைய துரதிருஷ்டவசமான சர்க்காருக்கு பாலியல் வன்கொடுமைகளைத் தட்டிக்கேட்க துப்பில்லை என்றும் சாடப்பட்டுள்ளது. மக்கள் மீது அக்கறையற்ற இந்த சூழலில், தான் முதலமைச்சராக இருந்திருந்தால் இந்நேரம் பதவியை ராஜினாமா செய்திருப்பேன் என அனல் பறக்கும் விமர்சனம் முன்வைக்கப்பட்டுள்ளது.