தமிழக அறநிலையத்துறைக்குச் சொந்தமான கோயில்களில் விற்கப்படும் பொருள்களுக்கான விலைப் பட்டியலை பக்தர்கள் எளிதில் அறியும் வகையில் வைக்க வேண்டும் என்று அமைச்சர் ரமேஷ் அதிரடி உத்தரவு பிறப்பித்துள்ளார். மதுரை கள்ளழகர் கோயிலில் நேற்று திடீர் ஆய்வு மேற்கொண்ட அவர், அங்குள்ள கடைகளில் பொருள்கள் அதிக விலைக்கு விற்கப்படுவதைக் கண்டு அதிர்ச்சியடைந்து, கடை உரிமையாளர்களுக்குக் கடுமையான அறிவுரைகளை வழங்கினார்.
இதனைத் தொடர்ந்து, பக்தர்கள் ஏமாற்றப்படுவதைத் தடுக்கும் பொருட்டு, அனைத்துக் கோயில்களிலும் விற்கப்படும் பிரசாதம் மற்றும் இதர பொருள்களின் விலைப் பட்டியலைக் கட்டாயம் காட்சிப்படுத்தக் கோரி, அதிகாரிகளுக்கு விரைந்து சுற்றறிக்கை அனுப்புமாறு அமைச்சர் ரமேஷ் உத்தரவிட்டுள்ளார்.