பஞ்சாப் மாநிலத்தில் நான்கு இளம்பெண்கள் இணைந்து ஒரு வாலிபரைக் கடத்தி, கட்டாயப்படுத்தி மது குடிக்க வைத்துப் பாலியல் வன்கொடுமை செய்த அதிர்ச்சிச் சம்பவம் வெளிச்சத்திற்கு வந்துள்ளது. பாதிக்கப்பட்ட நபர் அளித்த புகாரின்படி, அவர் தனது வாகனத்தில் சென்று கொண்டிருந்தபோது, முகவரி கேட்பது போல நடித்து அந்தப் பெண்கள் அவரது வாகனத்தை மறித்துள்ளனர்.
அதனைத் தொடர்ந்து, அந்த வாலிபரைத் தங்களது கட்டுப்பாட்டிற்குள் கொண்டு வந்த அப்பெண்கள், அவரை கட்டாயப்படுத்தி அதிகளவில் மதுவைக் குடிக்க வைத்துள்ளனர். இதனால் அவர் நிலைதடுமாறி மயக்கமடைந்ததைத் தொடர்ந்து, நான்கு பெண்களும் அடுத்தடுத்து அவரிடம் தவறான செயல்களில் ஈடுபட்டு கூட்டுப் பாலியல் வன்கொடுமை செய்துள்ளனர். இச்சம்பவத்தில் ஈடுபட்ட பெண்களின் வயது 20 முதல் 30 ஆண்டுக்குள் இருக்கும் எனத் தெரிவிக்கப்பட்டுள்ளது.
இந்த கொடூர சம்பவத்திற்குப் பிறகு, பாதிக்கப்பட்ட அந்த வாலிபரின் உடல்நிலை மிகவும் மோசமடைந்துள்ளதுடன், அவர் கடுமையான உடல் பலவீனத்தால் பாதிக்கப்பட்டுள்ளார். இச்சம்பவம் குறித்து வழக்குப் பதிவு செய்துள்ள போலீசார், பாதிக்கப்பட்ட நபருக்கு மருத்துவ உதவிகளை வழங்கி, குற்றச்சாட்டிற்கு உள்ளான பெண்களைத் தீவிரமாகத் தேடி விசாரணை நடத்தி வருகின்றனர்.