தமிழக முதல்வரும் தவெக தலைவருமான விஜய்யை, மதிமுக எம்.பி. துரை வைகோ நேரில் சந்தித்துப் பேசினார். இந்தச் சந்திப்பில், திமுக தங்களின் கூட்டணிக் கட்சிகளை அடிமைகளாகவும் கிள்ளுக்கீரைகளாகவும் நடத்துவதாக துரை வைகோ விஜய்யிடம் தனது ஆதங்கத்தை வெளிப்படுத்தியுள்ளார். கலைஞர் மீதான பாசத்தால் வைகோ திமுக கூட்டணியில் நீடிக்க நினைத்தாலும், சுயமரியாதையை இழந்து அங்கு இருக்கக் கூடாது என்றும், உதயசூரியன் சின்னத்தில் போட்டியிடச் சொன்னபோதே கட்சியை கலைத்துவிடலாம் என்று தனது தந்தையிடம் சண்டையிட்டதாகவும் துரை வைகோ குறிப்பிட்டுள்ளார்.
மேலும், கடந்த தேர்தல் சமயங்களில் திமுகவின் அணுகுமுறை தனக்குப் பிடிக்கவில்லை என்றும், தவெகவுடன் கூட்டணி வைக்கலாம் என்று தான் வற்புறுத்தியதாகவும் துரை வைகோ விஜய்யிடம் பகிர்ந்துள்ளார். தற்போது திமுக சின்னத்தில் நின்று வெற்றி பெற்ற இரண்டு தொகுதிகளையும் ராஜினாமா செய்துவிட்டு, தனித்த அரசியல் முடிவை மதிமுக எடுக்க வேண்டும் என தனது தந்தைக்கு அழுத்தம் கொடுத்து வருவதாகவும், இது குறித்து விவாதிக்கவே வரும் 27-ஆம் தேதி மதிமுக பொதுக்குழு கூட்டப்பட்டுள்ளதாகவும் அவர் கூறியுள்ளார். இதைக் கேட்ட விஜய், திமுகவினர் அதிகார மிரட்டலில் ஆடுவதாகவும், ஆதாயத்திற்காக மட்டுமே கூட்டணிக் கட்சிகளைப் பயன்படுத்துவதாகவும் விமர்சித்துள்ளார்.
துரை வைகோ மற்றும் விஜய் இடையேயான இந்த ரகசியப் பேச்சின் விபரங்களை திமுக தலைமை, குறிப்பாக எதிர்க்கட்சித் தலைவர் உதயநிதி ஸ்டாலின் விசாரித்து அறிந்துகொண்டார். தங்களுக்கு எதிராகவும், குறிப்பாக ஸ்டாலினுக்கு எதிராகவும் துரை வைகோ மிகக் கடுமையான விமர்சனங்களை விஜய்யிடம் முன்வைத்ததை உதயநிதி ஸ்டாலினின் கவனத்திற்குக் கொண்டு சென்றுள்ளார். மதிமுகவைச் சுற்றியுள்ள அரசியல் நகர்வுகளும், துரை வைகோவின் இந்த அதிரடிச் சந்திப்பும் தற்போதைய ஆளுங்கட்சியான திமுகவிற்கு கடும் கோபத்தையும் அதிர்ச்சியையும் ஏற்படுத்தியுள்ளது.