தமிழகத்தில் தவெக ஆட்சி அமைக்க ஆதரவளிக்க முயன்ற அதிமுக முன்னாள் அமைச்சர்கள் மீண்டும் எடப்பாடி பழனிசாமி அணிக்குத் திரும்பியுள்ள நிலையில், அவர்களைச் சந்திக்க சி.வி.சண்முகமும், சி.விஜயபாஸ்கரும் மறுப்பு தெரிவித்துள்ளதாகத் தகவல்கள் வெளியாகியுள்ளன. இந்த அரசியல் நகர்வுகளுக்கு இடையே, தவெக மற்றும் அதிமுக ஆகிய இரு கட்சிகளாலும் முன்னாள் அமைச்சர் சி.விஜயபாஸ்கர் தற்போது முற்றிலுமாகப் புறக்கணிக்கப்பட்டுள்ளார் என்ற பரபரப்பு விவாதம் எழுந்துள்ளது.
இதனிடையே, இரு தரப்பிலும் ஓரங்கட்டப்பட்டுள்ள விஜயபாஸ்கரை ஆளும் திமுகவும் தனது கட்சியில் சேர்த்துக் கொள்ளாது என்று தமிழக சட்டத்துறை அமைச்சர் ரகுபதி கடுமையாக விமர்சித்துள்ளார். இதனால் அரசியல் ரீதியாக எங்குச் செல்வது என்று தெரியாமல் அவர் நடுரோட்டில் அநாதையாக நிற்கும் நிலைக்குத் தள்ளப்பட்டுள்ளார் என்றும் அமைச்சர் ரகுபதி சாடியுள்ளார்.