விடுதலைச் சிறுத்தைகள் கட்சியின் (விசிக) முக்கிய நிர்வாகிகளில் ஒருவரான பனையூர் பாபு அக்கட்சியில் இருந்து விலகியுள்ளார். தவெகவின் (தமிழக வெற்றிக் கழகம்) அமைச்சரவையில் விசிக இடம்பெற்றதாக வெளியான தகவல்களுக்கு எதிர்ப்பு தெரிவித்தே அவர் இந்த அதிரடி முடிவை எடுத்துள்ளதாகக் கூறப்படுகிறது. இந்நிலையில், வரும் ஜூன் 7-ம் தேதி சென்னை அண்ணா அறிவாலயத்தில் ஆயிரக்கணக்கான தனது ஆதரவாளர்களுடன் அவர் அதிகாரப்பூர்வமாக திமுகவில் இணைய உள்ளதாக அறிவாலய வட்டாரங்கள் தகவல் தெரிவிக்கின்றன.
பனையூர் பாபு திமுகவில் இணையும் பட்சத்தில், அவருக்குக் கட்சியின் முக்கியப் பொறுப்பு வழங்கப்பட வாய்ப்புள்ளதாகத் தெரிகிறது. குறிப்பாக, அவருக்கு மாவட்டச் செயலாளர் போன்ற ஒரு செல்வாக்கு மிக்க பொறுப்பை வழங்கி கௌரவிக்க திமுக தலைமை திட்டமிட்டுள்ளதாக அரசியல் வட்டாரங்களில் பரவலாகப் பேசப்படுகிறது. விசிகவின் முக்கியப் பிரமுகராக விளங்கிய பனையூர் பாபுவின் இந்த இடமாற்றம், வரும் நாட்களில் தமிழக அரசியல் களத்தில் விசிக மற்றும் திமுக இடையேயான உறவிலும் சில முக்கிய நகர்வுகளை ஏற்படுத்தும் என்று எதிர்பார்க்கப்படுகிறது.