தமிழகத்தில் விரைவில் வரவிருக்கும் உள்ளாட்சித் தேர்தலுக்குத் தயாராகும் விதமாக, ஊராட்சிகளில் வார்டு தொகுதி மறுவரையறை (Delimitation) செய்ய மாநில தேர்தல் ஆணையம் (State EC) அதிரடி முடிவெடுத்துள்ளது. மாநில தேர்தல் ஆணையர் தலைமையில் நடைபெற்ற ஆலோசனைக் கூட்டத்தில், முதற்கட்டமாக 11 மாவட்ட ஊராட்சிகள், 40 ஊராட்சி ஒன்றியங்கள் மற்றும் 117 கிராம ஊராட்சிகளின் வார்டு எல்லைகளை மறுவரையறை செய்வது குறித்தும், மக்கள் தொகைக்கு ஏற்ப உள்ளாட்சி அமைப்புகளின் உறுப்பினர்களின் எண்ணிக்கையை மாற்றுவது குறித்தும் விரிவாக விவாதிக்கப்பட்டு, அது தொடர்பான பரிந்துரைகளை அரசுக்கு அனுப்பத் திட்டமிடப்பட்டுள்ளது. மேலும், உள்ளாட்சித் தேர்தலைத் தாமதமின்றி நடத்தும் நோக்கில், இந்த வார்டு எல்லை மறுவரையறைப் பணிகளை மிக விரைவாக முடிக்குமாறு அதிகாரிகளுக்குத் தேர்தல் ஆணையம் உத்தரவிட்டுள்ளது.
