புதுக்கோட்டை மாவட்டம் விராலிமலை முருகன் கோவில் வைகாசி விசாகத் தேரோட்டத்தின் போது, அஇஅதிமுக முன்னாள் அமைச்சர் சி.விஜயபாஸ்கரும், தற்போதைய தவெக அமைச்சர் ஃபர்வேஸ் ஒன்றாக இணைந்து தேர்வடம் பிடித்து இழுத்த நிகழ்வு தமிழக அரசியலில் பெரும் பரபரப்பை ஏற்படுத்தியுள்ளது.
அண்மையில் ஓபிஎஸ் தரப்பைச் சேர்ந்த வைத்திலிங்கம் (SPV) போன்ற முக்கிய நிர்வாகிகள் எடப்பாடி பழனிசாமியுடன் இணைந்து வரும் சூழலில், சி.விஜயபாஸ்கர் இதுவரை தனது அரசியல் நிலைப்பாட்டை அதிகாரப்பூர்வமாகத் தெளிவுபடுத்தாமல் மௌனம் காத்து வருகிறார். அதேவேளையில், அவர் நடிகர் விஜய்யின் தமிழக வெற்றிக் கழகத்தில் (தவெக) இணையக்கூடும் என்ற ஊகங்கள் சமூக வலைதளங்களில் தீயாய்ப் பரவி வரும் நிலையில், அமைச்சருடன் அவர் இணக்கமாகத் தேரிழுத்த இந்த வீடியோ மற்றும் புகைப்படங்கள் தற்போதைய அரசியல் சூழலில் பல்வேறு விவாதங்களையும் உற்றுநோக்கல்களையும் கிளப்பியுள்ளன.