போதைப்பொருள் கடத்தல் வழக்குத் தொடர்பாகத் தலைநகர் சென்னையில் இன்று மூன்று முக்கிய இடங்களில் அமலாக்கத்துறை (ED) அதிகாரிகள் அதிரடி சோதனையில் ஈடுபட்டு வருகின்றனர். கடந்த 2024 ஆம் ஆண்டு மதுரையில் ஓடும் ரயிலில் வைத்து சுமார் ₹180 கோடி மதிப்பிலான போதைப்பொருள் பறிமுதல் செய்யப்பட்ட வழக்குத் தொடர்பாகவே இந்தச் சோதனைகள் முடுக்கிவிடப்பட்டுள்ளன. இந்த மெகா கடத்தல் விவகாரத்தில் ஏற்கனவே கைது செய்யப்பட்டுள்ள யேசுதாஸ் என்பவருக்குத் தொடர்புடைய சென்னை வியாசர்பாடி மற்றும் கொடுங்கையூர் ஆகிய பகுதிகளில் உள்ள இடங்களில் எவ்வித முன் அறிவிப்புமின்றி அதிகாலை முதலே அமலாக்கத்துறை அதிகாரிகள் தீவிர ரெய்டு நடத்தி வருவது பெரும் பரபரப்பை ஏற்படுத்தியுள்ளது.
