முதலமைச்சர் விஜய் அமைச்சரவையில் இடம் கிடைக்காததால், எஸ்பி வேலுமணி அணியிலிருந்து 7 எம்.எல்.ஏ-க்கள் மீண்டும் எடப்பாடி பழனிசாமிக்கு (EPS) ஆதரவு தெரிவிக்க உள்ளதாகத் அதிர்ச்சித் தகவல் வெளியாகியுள்ளது. குறிப்பாகப் பாலக்கோடு தொகுதி எம்.எல்.ஏ கே.பி.அன்பழகன், பாப்பிரெட்டிப்பட்டி தொகுதி எம்.எல்.ஏ மரகதம் வெறிவேல் உள்ளிட்டோர் மீண்டும் இபிஎஸ் பக்கம் திரும்ப முடிவெடுத்துள்ளதாகத் தெரிகிறது.
புதிய அமைச்சரவையில் தங்களுக்கு இடம் கிடைக்காத சூழலில், தொண்டர்களிடமும் அதிருப்தியைச் சம்பாதிக்க அவர்கள் விரும்பவில்லை என அரசியல் வட்டாரங்களில் பேசப்படுகிறது. விஜய் அமைச்சரவை அமைக்கப்பட்ட பிறகு தமிழக அரசியலில் ஏற்பட்டுள்ள இந்தத் திடீர் நகர்வு பெரும் பரபரப்பை ஏற்படுத்தியுள்ளது.