அதிமுகவின் ஒரு பிரிவு தமிழக வெற்றிக் கழகத்திற்கு (தவெக) ஆதரவளித்துள்ள நிலையில், இதனால் எழுந்துள்ள அரசியல் குழப்பங்களுக்கு இடையே, எடப்பாடி பழனிசாமிக்கு (EPS) சட்ட ரீதியான உதவிகளை வழங்க திமுக தயாராகி வருவதாக அரசியல் வட்டாரங்களில் பரபரப்பாகப் பேசப்படுகிறது. தவெகவுக்கு ஆதரவு தெரிவிக்கும் அதிமுக சட்டமன்ற உறுப்பினர்களுக்கு முதல்வர் விஜய் அமைச்சர் பதவிகளை வழங்கினால், அது தற்போதைய ஆட்சிக்கு எவ்வித பாதிப்பும் இல்லாமல் நிலைத்து நிற்க உதவும் என்று திமுக தலைமை கணக்கு போடுவதாகக் கூறப்படுகிறது.
எனினும், கட்சித் தலைமை அதிகாரப்பூர்வமாக அறிவிக்கும் நபரையே கொறடாவாக சபாநாயகர் அங்கீகரிக்க வேண்டும் என்று முன்னாள் சபாநாயகர் அப்பாவு முன்னரே சுட்டிக்காட்டியிருப்பது, முதல்வர் விஜய்க்கு சட்ட ரீதியாகவும் அரசியல் ரீதியாகவும் ஒரு புதிய தலைவலியை ஏற்படுத்தியுள்ளது.