கேரள முதல்வர் பதவியேற்பு விழாவில் பங்கேற்க தமிழக முதல்வர் விஜய்க்கு அதிகாரப்பூர்வ அழைப்பு விடுக்கப்பட்டுள்ளது. சமீபத்தில் நடந்த கேரள சட்டமன்றத் தேர்தலில் காங்கிரஸ் கட்சி மெகா வெற்றி பெற்றுள்ளது. அங்கு புதிய முதலமைச்சராக வி.டி. சதீசனை காங்கிரஸ் கட்சி முறைப்படி தேர்வு செய்துள்ளது. அதன்படி, திருவனந்தபுரத்தில் வரும் மே 18-ஆம் தேதி புதிய அரசு பதவியேற்க உள்ளது.
இந்த விழாவில் பங்கேற்பதற்காகத் தமிழக முதல்வர் விஜய்க்கு பிரத்யேக அழைப்பு அனுப்பப்பட்டுள்ளது. இவருடன் கர்நாடக முதல்வர் சித்தராமையா மற்றும் தெலங்கானா முதல்வர் ரேவந்த் ரெட்டி ஆகியோருக்கும் அழைப்பு விடுக்கப்பட்டுள்ளது. காங்கிரஸ் ஆட்சி நடக்கும் பல்வேறு மாநில முதல்வர்கள் இந்த விழாவில் பங்கேற்கின்றனர். முதல்வர் விஜய்யின் இந்த கேரளா பயணம் குறித்த அதிகாரப்பூர்வ அறிவிப்புகள் விரைவில் வெளியாகும் என எதிர்பார்க்கப்படுகிறது.