திருவொற்றியூர் தேரடி பகுதியில் உள்ள டாஸ்மாக் கடையில் 24 மணி நேரமும் கள்ளச்சந்தையில் சட்டவிரோதமாக மது விற்பனை செய்யப்பட்டு வந்த அதிர்ச்சி தகவல் வெளியாகியுள்ளது. இதுதொடர்பான வீடியோ ஆதாரங்கள் சமூக வலைத்தளங்களில் வெளியாகி மிக வேகமாக வைரலாகின. முதலமைச்சர் விஜய் அவர்கள் தமிழ்நாட்டின் ஆட்சிப் பொறுப்பேற்றது முதல் டாஸ்மாக் கடைகளை படிப்படியாக மூடுவது உள்ளிட்ட பல்வேறு அதிரடி மதுவிலக்கு நடவடிக்கைகளைத் தீவிரமாக எடுத்து வருகிறார்.
இத்தகைய கடுமையான சூழலிலும், தனது காவல் எல்லைக்குட்பட்ட பகுதியில் சட்டவிரோதமாக நடைபெற்ற இந்த மது விற்பனையைத் தடுக்கத் தவறியதாக திருவொற்றியூர் காவல் ஆய்வாளர் (இன்ஸ்பெக்டர்) மோகன் தாஸ் தற்போது அதிரடியாக பணியிடை நீக்கம் (சஸ்பெண்ட்) செய்யப்பட்டுள்ளார். முதல்வர் விஜய்யின் மதுவிலக்குக் கொள்கைக்கு முரணாகவும், தனது கடமையிலிருந்து தவறியும் செயல்பட்ட அதிகாரி மீது பாய்ந்துள்ள இந்த ஒழுங்கு நடவடிக்கை, காவல்துறை வட்டாரத்தில் பெரும் பரபரப்பை ஏற்படுத்தியுள்ளது.