பிக் பாஸ் தமிழ் சீசன் 8-ன் வெற்றியாளர் முத்துக்குமரன், தமிழக முதல்வர் விஜய்யின் அரசியல் வருகை குறித்துப் புகழ்ந்து பேசியுள்ள காணொளி தற்போது சமூக வலைதளங்களில் வைரலாகி வருகிறது. “விஜய்யின் அரசியல் வருகையால் தான் இன்று இளைஞர்கள் பரவலாக அரசியல் பேசத் தொடங்கியிருக்கிறார்கள்; இது ஒரு சாதாரண மாற்றம் அல்ல” என்று அவர் தெரிவித்துள்ளார். ‘தமிழ் பேச்சு எங்கள் மூச்சு’ நிகழ்ச்சியின் மூலம் அறிமுகமாகி, தனியார் யூடியூப் சேனல் தொகுப்பாளராகப் பணியாற்றிய முத்துக்குமரன், தனது பேச்சாற்றலால் பிக் பாஸ் டைட்டிலை வென்றவர் என்பது குறிப்பிடத்தக்கது.
தமிழக முதல்வராக விஜய் பதவியேற்றது முதல் மாநிலத்தில் ஏற்பட்டுள்ள ஆக்கப்பூர்வமான மாற்றங்கள் குறித்து முத்துக்குமரன் நெகிழ்ச்சியுடன் பகிர்ந்துள்ளார். முதல்வர் விஜய்யின் செயல்பாடுகள் இளைஞர்களிடையே ஏற்படுத்தியுள்ள தாக்கத்தைப் பாராட்டியுள்ள முத்துக்குமரனின் இந்த பேச்சுக்கு இணையத்தில் பெரும் வரவேற்பு கிடைத்துள்ளது. தூய தமிழில் தெளிவாகப் பேசும் பாணியைக் கொண்ட முத்துக்குமரன், முதல்வரைப் புகழ்ந்து பேசியிருப்பது அவரது ரசிகர் பட்டாளத்தையும், அரசியல் ஆர்வலர்களையும் ஒருசேர ஈர்த்துள்ளது.