தமிழக அரசியலில் பெரும் திருப்பமாக, அதிமுக இரண்டாகப் பிளவுபட்டுள்ள சூழலில் அக்கட்சியின் முக்கிய நிர்வாகியான சி.வி.சண்முகம் MLA இன்று செய்தியாளர்களைச் சந்தித்தார். கடந்த சட்டமன்றத் தேர்தலில் அதிமுக தலைமையிலான NDA கூட்டணி படுதோல்வியைச் சந்தித்ததைச் சுட்டிக்காட்டிய அவர், தற்போதைய நிலையில் அதிமுக எனும் பேரியக்கத்தையும் அதன் தொண்டர்களையும் காப்பாற்ற வேண்டியது அவசியம் என்று தெரிவித்தார். மேலும், மக்கள் தவெக-வுக்கு ஆதரவாகத் தங்களின் தீர்ப்பை வழங்கியுள்ளதாக அவர் குறிப்பிட்டார்.
இந்தச் சந்திப்பின் மிக முக்கிய நிகழ்வாக, முதலமைச்சர் விஜய் தலைமையிலான தமிழக வெற்றிக் கழக அரசுக்கு அதிமுக தனது ஆதரவை வழங்குவதாக சி.வி.சண்முகம் அதிரடியாக அறிவித்துள்ளார். தேர்தல் தோல்விக்குப் பிறகு எடுக்கப்பட்டுள்ள இந்த அரசியல் முடிவு, தமிழக அரசியலில் புதிய மாற்றங்களுக்கு வழிவகுக்கும் என்று எதிர்பார்க்கப்படுகிறது. இந்த அறிவிப்பு அரசியல் வட்டாரங்களில் பெரும் விவாதத்தையும் பரபரப்பையும் ஏற்படுத்தியுள்ளது.