தமிழக வெற்றிக் கழகம் முதல்முறையாக ஆட்சிப் பொறுப்பை ஏற்றுள்ள நிலையில், தமிழக முதல்வர் விஜய் இன்று அரசியல் முக்கியத்துவம் வாய்ந்த சந்திப்புகளை மேற்கொள்ள உள்ளார். இதன் ஒரு பகுதியாக, இன்று பிற்பகல் ம.தி.மு.க பொதுச்செயலாளர் வைகோவைச் சந்திப்பது உறுதி செய்யப்பட்டுள்ள நிலையில், அதனைத் தொடர்ந்து பிற்பகல் 2:30 மணியளவில் ஆழ்வார்பேட்டையில் உள்ள முன்னாள் முதல்வர் ஸ்டாலினின் இல்லத்திற்குச் சென்று அவரை நேரில் சந்திக்கத் திட்டமிட்டுள்ளார்.
அரசியல் ரீதியான மாற்றங்களுக்கு அப்பால், மூத்த அரசியல் தலைவரான ஸ்டாலினை மரியாதை நிமித்தமாகச் சந்தித்து, புதிய பொறுப்பிற்கான வாழ்த்துகளையும் ஆசிகளையும் பெறுவதற்காகவே இந்தச் சந்திப்பு அமையவுள்ளதாகத் தகவல்கள் தெரிவிக்கின்றன. புதிதாக ஆட்சிப் பொறுப்பேற்றுள்ள ஒரு முதல்வர், முன்னாள் முதல்வரைச் சந்திக்கும் இந்த நிகழ்வு தமிழக அரசியல் வட்டாரத்தில் பெரும் கவனத்தை ஈர்த்துள்ளது.