அதிமுகவில் நிலவி வரும் உட்கட்சிப் பூசல்கள் தற்போது புதிய உச்சத்தை எட்டியிருப்பது அக்கட்சியின் தொண்டர்களிடையே பெரும் அதிர்ச்சியை ஏற்படுத்தியுள்ளது. ஓபிஎஸ் உடனான மோதலின் போது எடப்பாடி பழனிசாமிக்கு வலதுகரமாகத் திகழ்ந்த எஸ்.பி. வேலுமணி, தற்போது சட்டமன்றத்திற்கு தனது ஆதரவு எம்.எல்.ஏ-க்களுடன் தனித்தனியாகச் சென்றது, தலைமைக்கு எதிரான வெளிப்படையான கலகமாகவே பார்க்கப்படுகிறது.
கட்சிக்குள் ஒற்றைத் தலைமை உருவான பிறகு அனைத்தும் சீராகிவிட்டதாகக் கருதப்பட்ட நிலையில், எடப்பாடி பழனிசாமியின் மிக நெருங்கிய தளபதியாகக் கருதப்பட்ட வேலுமணியே அவருக்கு எதிராகத் திரும்பியிருப்பது அதிமுக மீண்டும் ஒரு பெரும் பிளவை நோக்கிச் செல்கிறதோ என்ற பலத்த யூகங்களை அரசியல் வட்டாரத்தில் கிளப்பியுள்ளது.