ரயிலில் பயணம் செய்த போது, ஒரு நபர் தன்னைத் தொடர்ந்து தவறான முறையில் உற்றுப் பார்த்துக் கொண்டிருப்பதாக அந்தப் பெண் குற்றம் சாட்டியுள்ளார். “ஏன் 2.5 மணி நேரமாக என்னையே பார்த்துக் கொண்டிருக்கிறீர்கள்?” என்று அந்தப் பெண் தைரியமாகத் தட்டிக் கேட்டபோது, இருவருக்கும் இடையே கடும் வாக்குவாதம் ஏற்பட்டுள்ளது. இந்த மோதல் உச்சக்கட்டத்தை எட்டியபோது, ஆத்திரமடைந்த அந்த நபர் சக பயணிகள் முன்னிலையிலேயே அந்தப் பெண்ணின் முகத்தில் பலமாக அறைந்துள்ளார்.
இந்தச் சம்பவம் அங்கிருந்த ஒருவரால் வீடியோ எடுக்கப்பட்டு சமூக வலைதளங்களில் பகிரப்பட்டது. வீடியோவில், அந்தப் பெண் தன்னைத் தாக்கிய நபரை நோக்கி ஆவேசமாகப் பேசுவதும், அந்த நபர் அலட்சியமாகப் பதில் அளிப்பதும் பதிவாகியுள்ளது. இந்த வீடியோ இணையத்தில் வைரலானதைத் தொடர்ந்து, பொது இடங்களில் பெண்களுக்குப் பாதுகாப்பு இல்லை என்றும், இத்தகைய வன்முறைச் செயல்களில் ஈடுபடுபவர்கள் மீது கடும் நடவடிக்கை எடுக்கப்பட வேண்டும் என்றும் பொதுமக்கள் தங்கள் கண்டனங்களைத் தெரிவித்து வருகின்றனர்.
View this post on Instagram
ரயில்வே பாதுகாப்புப் படையினர் மற்றும் காவல்துறையினர் இந்தச் சம்பவம் தொடர்பாக விசாரணை நடத்தி வருகின்றனர். வைரலாகும் வீடியோவின் அடிப்படையில் அந்த நபரைக் கண்டறியும் பணிகள் முடுக்கிவிடப்பட்டுள்ளன. ரயிலில் ஒரு பெண் அச்சுறுத்தலுக்கு உள்ளானபோது சக பயணிகள் சிலர் வேடிக்கை பார்த்தது குறித்தும், பெண்களுக்கு எதிரான இத்தகைய அநாகரீகமான செயல்கள் தண்டிக்கப்பட வேண்டியது அவசியம் என்றும் சமூக ஆர்வலர்கள் வலியுறுத்தி வருகின்றனர்.