2026 தமிழக சட்டமன்றத் தேர்தலில் ஒரு மிகப்பெரிய அரசியல் திருப்பமாக, சென்னை கொளத்தூர் தொகுதியில் போட்டியிட்ட முதலமைச்சர் மு.க.ஸ்டாலின் அதிர்ச்சித் தோல்வியடைந்துள்ளார். இத்தொகுதியில் அவரை எதிர்த்துப் போட்டியிட்ட தமிழக வெற்றிக் கழகத்தின் (தவெக) வேட்பாளர் VS பாபு, முதலமைச்சரை வீழ்த்தி அபார வெற்றி பெற்றுள்ளார்.
வாக்கு எண்ணிக்கை முடிவில், தவெக வேட்பாளர் VS பாபு 72,248 வாக்குகளைப் பெற்று முதலிடம் பிடித்தார். அவரை எதிர்த்த மு.க.ஸ்டாலின் 67,530 வாக்குகளை மட்டுமே பெற்று, வெறும் 4,718 வாக்குகள் வித்தியாசத்தில் தனது வெற்றி வாய்ப்பை இழந்தார். தமிழகத்தின் தற்போதைய முதலமைச்சரே தனது சொந்தத் தொகுதியில் தோல்வியடைந்தது அரசியல் வட்டாரத்தில் பெரும் பரபரப்பை ஏற்படுத்தியுள்ளது.
மேலும் இத்தொகுதியில் போட்டியிட்ட அதிமுக வேட்பாளர் சந்தானகிருஷ்ணன் 17,110 வாக்குகள் மட்டுமே பெற்று மூன்றாவது இடத்திற்குத் தள்ளப்பட்டார். கொளத்தூர் தொகுதியில் தவெக வேட்பாளர் மு.க.ஸ்டாலினை வீழ்த்தியிருப்பது அந்த கட்சியின் மிகப்பெரிய வெற்றியாகக் கருதப்படுகிறது.