சாலையில் கிடந்த ₹67,400 பணத்தை எடுத்த ஒரு நபர், தனது நேர்மையை நிரூபிக்க நினைத்த தருணம் அவருக்கு வாழ்நாள் பாடமாக அமைந்த சோகமான நிகழ்வு இது. சாலையில் பணம் கிடப்பதைக் கண்டதும் அந்த நபர் மட்டற்ற மகிழ்ச்சி அடைந்தார். “இந்தப் பணத்தை உரியவரிடம் ஒப்படைத்தால், ஊர் மெச்சும் அளவுக்கு நமக்கு நற்பெயர் கிடைக்கும்; அந்த நபர் நமது நேர்மையைப் பாராட்டி பரிசாகக் கணிசமான தொகையைத் தருவார்” என்று அவர் மனக்கணக்கு போட்டார்.
தன் எண்ணப்படியே பணத்திற்குச் சொந்தக்காரர் யார் என்பதைக் கண்டறிந்து, அவரிடம் அந்தப் பெரிய தொகையை முழுமையாக ஒப்படைத்தார். ஆனால், பணத்தைப் பெற்றுக்கொண்ட நபரோ, திருப்பிக் கொடுத்தவரின் நேர்மையை மதிப்பதை விட, அவரிடம் சந்தேகம் கொள்வதிலேயே குறியாக இருந்தார். பணத்தை வாங்கியவுடன், அவர் முன்னாலேயே ஒவ்வொன்றாக எண்ணத் தொடங்கினார். நேர்மையாக நடந்துகொண்ட ஒருவரைச் சந்தேகக் கண்ணோடு பார்த்த அந்தச் செயல், பணத்தைத் திருப்பிக் கொடுத்தவரை மிகுந்த வேதனைக்குள்ளாக்கியது.
பணத்தை முழுமையாக எண்ணி முடித்த அந்த நபர், இறுதியில் நேர்மைக்கான பரிசாக வெறும் ₹400-ஐ மட்டும் தூக்கிக் கொடுத்தார். இதைக் கண்ட அந்த நபர், “நேர்மையாக இருக்க ஆசைப்பட்ட எனக்குக் கிடைத்த பரிசு இதுதானா? இவ்வளவு பெரிய தொகையை ஒப்படைத்தும் அவநம்பிக்கையும் சொற்பத் தொகையும்தான் மிஞ்சியது” என்று நொந்துபோனார். இந்தப் கசப்பான அனுபவத்திற்குப் பிறகு, அந்த நபர் மீண்டும் ஒருமுறை யாரிடமும் நேர்மையைக் காட்டத் துணியமாட்டார் என்பதே நிதர்சனம்.