ஜார்க்கண்ட் மாநிலத்தில் சாலையோரக் கடை ஒன்றில் பானிபூரி சாப்பிட்ட 6 வயது சிறுவன் பரிதாபமாக உயிரிழந்த சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது. அதே கடையில் பானிபூரி உட்கொண்ட மேலும் 18 பேருக்கு கடுமையான உடல்நலக்குறைவு ஏற்பட்டு, அவர்கள் சிகிச்சைக்காக மருத்துவமனையில் அனுமதிக்கப்பட்டுள்ளனர். இந்தச் சம்பவம் அப்பகுதி மக்களிடையே உணவு பாதுகாப்பு குறித்த அச்சத்தையும், பீதியையும் ஒருசேர உருவாக்கியுள்ளது.
சம்பவம் நடந்த பிறகு, அந்த பானிபூரி விற்பனையாளர் அங்கிருந்து தப்பி ஓடி தலைமறைவாகியுள்ளார். அவரைப் பிடிப்பதற்காகப் போலீசார் தனிப்படை அமைத்து தீவிரமாகத் தேடி வருகின்றனர். அசுத்தமான நீர் அல்லது தரமற்ற உணவுப் பொருட்கள் இந்த உயிரிழப்புக்குக் காரணமாக இருக்கலாம் என்று சந்தேகிக்கப்படும் நிலையில், அதிகாரிகள் இது குறித்து விரிவான விசாரணையை மேற்கொண்டு வருகின்றனர்.