கோவையில் ஆளுங்கட்சியான திமுகவின் முக்கிய நிர்வாகிகள் மற்றும் மாமன்ற உறுப்பினர்கள் திடீரென அதிமுகவில் இணைந்துள்ளது அரசியல் வட்டாரத்தில் பெரும் பரபரப்பை ஏற்படுத்தியுள்ளது. குறிப்பாக, 77-வது வார்டு கவுன்சிலர் ராஜலட்சுமி, 91-வது வார்டு கவுன்சிலர் ராஜேந்திரன் மற்றும் தொண்டாமுத்தூர் ரவியின் நெருங்கிய உறவினரான கருணாநிதி ஆகியோர் அதிமுக பொதுச்செயலாளர் எடப்பாடி பழனிசாமி முன்னிலையில் தங்களை அக்கட்சியில் இணைத்துக் கொண்டனர்.
திமுகவில் சீனியர்களுக்கு உரிய அங்கீகாரமும் மதிப்பும் அளிக்கப்படுவதில்லை என்ற அதிருப்தியாலேயே இந்த முடிவை எடுத்ததாக ராஜலட்சுமி வெளிப்படையாகக் குற்றம் சாட்டியுள்ளார். உள்ளாட்சித் தேர்தல் நெருங்கும் வேளையில், கோவையில் திமுகவின் முக்கிய தூண்களாகக் கருதப்பட்டவர்கள் விலகியிருப்பது அக்கட்சித் தலைமையினரிடையே பெரும் சலசலப்பை ஏற்படுத்தியிருப்பதோடு, கோவை மாவட்ட அரசியலில் அதிமுகவிற்குக் கூடுதல் பலத்தைச் சேர்த்துள்ளதாகக் கருதப்படுகிறது.