மின்னஞ்சல் அனுப்பினாலே போதும்…! கைநிறைய சம்பளத்துடன் ஜிப்மர் மருத்துவமனையில் வேலை… விண்ணபிக்க கடைசி தேதி எப்போது…? முழு விவரம் இதோ…!!

புதுச்சேரி ஜிப்மர் (JIPMER) மருத்துவமனையின் காது, மூக்கு, தொண்டை (ENT) பிரிவில் காலியாக உள்ள ‘திட்ட தொழில்நுட்ப உதவியாளர்’ பணியிடத்திற்குத் தகுதியானவர்களிடமிருந்து விண்ணப்பங்கள் வரவேற்கப்படுகின்றன. இப்பணி முற்றிலும் தற்காலிகமானது மற்றும் ஒப்பந்த அடிப்படையில் நிரப்பப்பட உள்ளது. அங்கீகரிக்கப்பட்ட கல்வி நிறுவனங்களில் பயோ-டெக்னாலஜி, பயோ-கெமிஸ்ட்ரி, நானோ-டெக்னாலஜி அல்லது லைஃப் சயின்ஸ் ஆகிய துறைகளில் ஏதேனும் ஒன்றில் பி.எஸ்சி (B.Sc) பட்டம் பெற்றவர்கள் இதற்கு விண்ணப்பிக்கலாம். விண்ணப்பதாரர்களின் வயது 05.05.2026 அன்று 35 வயதிற்குள் இருக்க வேண்டியது அவசியமாகும்.

தேர்வு செய்யப்படும் நபர்களுக்கு மாதம் ₹33,000 ஊதியமாக வழங்கப்படும். விருப்பமுள்ளவர்கள் தங்களின் சுயவிவரக் குறிப்பு (Resume) மற்றும் கல்விச் சான்றிதழ்களை icmrcrsproject@gmail.com என்ற மின்னஞ்சல் முகவரிக்கு வரும் மே 5-ஆம் தேதிக்குள் அனுப்பி வைக்க வேண்டும். மின்னஞ்சல் மூலம் தேர்ந்தெடுக்கப்படும் தகுதியான நபர்களுக்கு மே 9-ஆம் தேதி ஜிப்மர் வளாகத்தில் நேர்முகத் தேர்வு நடைபெறும். நேர்முகத் தேர்விற்கு வருபவர்கள் தங்களின் அசல் சான்றிதழ்களைக் கண்டிப்பாக எடுத்து வர வேண்டும். கூடுதல் தகவல்களை ஜிப்மர் நிறுவனத்தின் அதிகாரப்பூர்வ இணையதளத்தில் தெரிந்து கொள்ளலாம்.