கோடை காலத்தின் வெப்பம் அதிகரித்து வரும் நிலையில், வீட்டு வேலை செய்யும் பெண்ணிற்கு ஒரு குடும்பத்தினர் ஏர் கூலர் (Air Cooler) வழங்கி இன்ப அதிர்ச்சி கொடுத்த நெகிழ்ச்சியான வீடியோ சமூக வலைதளங்களில் வைரலாகி வருகிறது. தங்களுக்கு உதவியாக இருக்கும் நபர்களின் நலனில் அக்கறை கொள்வது எவ்வளவு முக்கியம் என்பதை இந்தச் சம்பவம் உணர்த்துகிறது.
அந்த வீடியோவில், வீட்டு வேலை செய்யும் பெண் வழக்கம்போல வேலைக்கு வரும்போது, அவருக்காக வாங்கப்பட்ட புதிய ஏர் கூலரை அக்குடும்பத்தினர் காட்டுகின்றனர். எதிர்பாராத இந்த பரிசைக் கண்ட அந்தப் பெண், மகிழ்ச்சியில் திக்குமுக்காடிப் போனார். அந்த ஏர் கூலரைத் தொட்டுப் பார்த்து, தனது நன்றியையும் மகிழ்ச்சியையும் வெளிப்படுத்திய விதம் பார்ப்பவர்களின் கண்களைக் குளிர வைத்தது.
View this post on Instagram
இணையத்தில் பகிரப்பட்ட இந்த வீடியோவை லட்சக்கணக்கானோர் பார்த்துப் பகிர்ந்து வருகின்றனர். “பணம் இருப்பதை விட, மற்றவர்களின் கஷ்டத்தைப் புரிந்து கொள்ளும் மனிதாபிமானம் இருப்பதே பெரிய விஷயம்” என்று நெட்டிசன்கள் அக்குடும்பத்தினரைப் பாராட்டி வருகின்றனர். மனித நேயம் இன்னும் உயிர்ப்புடன் இருக்கிறது என்பதற்கு இந்தச் சிறிய செயல் ஒரு சிறந்த உதாரணமாகத் திகழ்கிறது.