உலகெங்கும் கடந்த சில நாட்களாக ஒரு திருமண வீடியோ தவறான தகவல்களுடன் வைரலாகி வருகிறது. அந்த வீடியோவில், “திருமணத்திற்கு ஒரு நாளைக்கு முன்பே மணப்பெண் தற்கொலை செய்து கொண்டார் என்றும், அவரது சடலத்துடன் மணமகன் மாலை மாற்றும் சடங்கைச் செய்கிறார்” என்றும் ஒரு அதிர்ச்சிகரமான செய்தி பரப்பப்பட்டு வருகிறது. பார்ப்பவர்களை நிலைகுலையச் செய்யும் இந்தத் தகவல் சமூக வலைதளங்களில் காட்டுத்தீயாகப் பரவி பெரும் பரபரப்பை ஏற்படுத்தியுள்ளது.
उत्तर प्रदेश से एक अनोखा मामला।
शादी से एक दिन पहले एक महिला ने आत्महत्या कर ली और दूल्हे ने उसके शव से शादी कर ली।
बाद में शव का गंगा नदी में अंतिम संस्कार कर दिया गया। pic.twitter.com/2MmadYwZjg
— Ankit Yadav (@Ankitydv92) April 11, 2026
இருப்பினும், இந்தச் செய்தி முற்றிலும் பொய்யானது மற்றும் வதந்தியே ஆகும். அந்த வீடியோவின் பின்னணியில் உள்ள உண்மை என்னவென்றால், மணமகன் மற்றும் மணப்பெண் ஆகிய இருவருமே பிறவியிலேயே பார்வைத்திறன் அற்றவர்கள் (பார்வையற்ற மாற்றுத்திறனாளிகள்). அவர்கள் ஒருவரையொருவர் அடையாளம் கண்டு மாலை சூடிக்கொள்ள சிரமப்படுவதையே, பெண் இறந்துவிட்டதாகத் தவறாகப் புரிந்துகொண்டு சிலர் இத்தகைய வதந்திகளைப் பரப்பி வருகின்றனர். அந்தத் தம்பதியினர் மகிழ்ச்சியுடன் தங்கள் புதிய வாழ்க்கையைத் தொடங்கியுள்ளனர் என்பதே உண்மை.