நடிகர் விஜய் மற்றும் சங்கீதா ஆகியோரின் விவாகரத்து குறித்த சர்ச்சைகள் இணையத்தில் பேசுபொருளாக இருந்த சமயத்தில், த்ரிஷாவைப் பற்றியும் பல்வேறு வதந்திகள் பரப்பப்பட்டன. ஒருகட்டத்தில் த்ரிஷா திரையுலகை விட்டே விலகப்போகிறார் என்ற தகவல்களும் வெளியாகின. பொதுவாக இத்தகைய சர்ச்சைகளுக்கு நேரடியாகப் பதிலளிக்காமல் அமைதி காக்கும் த்ரிஷா, தற்போது தனது சமூக வலைதளப் பதிவுகள் மூலம் தன் வாழ்க்கையை மகிழ்ச்சியாகக் கழித்து வருவதைப் பறைசாற்றி வருகிறார்.
இந்நிலையில், த்ரிஷா தனது இன்ஸ்டாகிராம் ஸ்டோரியில் பகிர்ந்துள்ள ஒரு நகைச்சுவையான பதிவு வைரலாகி வருகிறது. அதில், “நான் அதிகாலை 4 மணிக்கு எழுந்து உடற்பயிற்சி செய்வதையோ அல்லது வாரந்தோறும் மணிக்கணக்கில் சமையலறையில் நின்று உணவு தயாரிப்பதையோ இதுவரை யாரும் பார்த்திருக்க முடியாது. அவ்வாறு யாரும் என்னைப் பார்க்காததற்குக் காரணம், நான் அத்தகைய வேலைகளை ஒருபோதும் செய்தது கிடையாது!” என்று அவர் விளையாட்டாகக் குறிப்பிட்டுள்ளார்.
இந்த நகைச்சுவைப் பதிவு த்ரிஷாவின் ரசிகர்கள் மத்தியில் பெரும் வரவேற்பைப் பெற்றுள்ளது. தன்னைச் சுற்றி எத்தனை எதிர்மறையான விமர்சனங்கள் வலம் வந்தாலும், எதையும் பொருட்படுத்தாமல் தன்னுடைய இயல்பான குணத்தோடும், தெளிவோடும் அவர் இருப்பதை இந்தப் பதிவு காட்டுகிறது. தற்போது த்ரிஷா கையில் பல பெரிய படங்கள் இருப்பதால், வதந்திகளைத் தாண்டி அவர் தொடர்ந்து சினிமாவில் பிஸியாகவே இருந்து வருகிறார்.