தமிழகச் சட்டப்பேரவைத் தேர்தலுக்கான களம் சூடுபிடித்துள்ள நிலையில், பாரதிய ஜனதா கட்சி சார்பில் போட்டியிடும் 27 வேட்பாளர்களின் முதற்கட்டப் பட்டியல் இன்று வெளியாகிறது. இதற்கான வேட்பாளர் தேர்வை இறுதி செய்யவும், மாநில நிர்வாகிகளுடன் முக்கிய ஆலோசனை நடத்தவும் மத்திய அமைச்சர் பியூஷ் கோயல் இன்று காலை 10 மணி அளவில் சென்னை வருகை தருகிறார்.
கட்சியின் தலைமையகமான கமலாலயத்தில் நடைபெறும் இந்த இறுதிக்கட்டப் பேச்சுவார்த்தைக்குப் பிறகு அதிகாரப்பூர்வப் பட்டியல் வெளியிடப்பட உள்ளது. குறிப்பாக, கோவை வடக்கு தொகுதியில் தமிழக பாஜகவின் முக்கிய முகமான அண்ணாமலை போட்டியிடக்கூடும் என்ற தகவல் அரசியல் வட்டாரத்தில் பெரும் எதிர்பார்ப்பை ஏற்படுத்தியுள்ளது.