2026-ஆம் ஆண்டு மார்ச் 26-ஆம் தேதி, வியாழக்கிழமை அன்று ஸ்ரீ ராம நவமி கோலாகலமாகக் கொண்டாடப்பட உள்ளது. பகவான் ஸ்ரீ ராமர் அவதரித்த இந்த புனித நாளில், வானத்தில் உருவாகும் அபூர்வ கிரக சேர்க்கைகள் சில ராசிக்காரர்களுக்கு மிகுந்த அதிர்ஷ்டத்தையும், யோகத்தையும் தரப்போவதாக ஜோதிடக் கணிப்புகள் கூறுகின்றன. ஆன்மீக ரீதியாகவும், ஜோதிட ரீதியாகவும் இந்த நாள் மிகவும் முக்கியத்துவம் வாய்ந்ததாகக் கருதப்படுகிறது.
இந்த ராம நவமி அன்று மேஷம், ரிஷபம் மற்றும் கன்னி ஆகிய ராசிகளுக்கு ஜாக்பாட் அடிக்கப் போகிறது. கடந்த சில நாட்களாக இவர்களுக்கு இருந்து வந்த மனக்கஷ்டங்கள் நீங்கி, வாழ்க்கையில் மகிழ்ச்சி அதிகரிக்கும். குடும்ப உறவுகளில் இருந்த கசப்புகள் மறைந்து ஒற்றுமை பலப்படும். குறிப்பாக, தொழில் மற்றும் வேலையில் நல்ல முன்னேற்றம் ஏற்படுவதுடன், புதிய பொறுப்புகள் தேடி வரும். பணப்புழக்கம் அதிகரித்து, நீண்ட நாள் கடன்களில் இருந்து விடுபடவும் வாய்ப்புகள் அமையும்.
அதேபோல் மிதுனம், கும்பம், துலாம், மகரம் மற்றும் சிம்மம் ஆகிய ராசிகளுக்கும் இந்த நாள் சாதகமான பலன்களையே தரும். இருப்பினும், விருச்சிகம் மற்றும் மீன ராசிக்காரர்கள் தங்கள் ஆரோக்கியத்தில் கூடுதல் கவனம் செலுத்த வேண்டும் என்று அறிவுறுத்தப்படுகிறது. தேவையற்ற வாக்குவாதங்களைத் தவிர்ப்பதும், குடும்ப விஷயங்களில் மற்றவர்களின் தலையீட்டை அனுமதிக்காமல் இருப்பதும் இந்த ராசிக்காரர்களுக்கு மன அமைதியைத் தரும்.
ஸ்ரீ ராமரின் முழுமையான அருளைப் பெற விரும்புவோர், இந்த நாளில் ராமசரிதமானஸில் உள்ள பாலகாண்டத்தைப் பாராயணம் செய்வது மங்களகரமானது. மேலும், ராமருக்கு துளசி மாலை சாற்றி வழிபடுவதும், அனுமன் சாலிசாவை ஓதுவதும் வாழ்வில் நேர்மறையான மாற்றங்களைக் கொண்டு வரும். நம்பிக்கையுடனும் பக்தியுடனும் மேற்கொள்ளப்படும் இந்த வழிபாடுகள், கிரக தோஷங்களை நீக்கி வாழ்வில் சுபிட்சத்தை அள்ளித்தரும் என்று நம்பப்படுகிறது.