சமூக வலைதளங்களில் லைக்ஸ் வாங்க வேண்டும் என்ற மோகத்தில் ஆபத்தான விலங்குகளுடன் விளையாடி உயிர் பிழைத்த பல சம்பவங்களை நாம் பார்த்திருக்கிறோம். அந்த வகையில், ஒரு நபர் மிகப்பெரிய ராஜநாகம் போன்ற ஒரு பாம்புடன் விளையாட முயற்சி செய்து, அது விபரீதத்தில் முடிந்த வீடியோ தற்போது இணையத்தில் வைரலாகி வருகிறது. “ஹீரோபந்தி” காட்ட நினைத்த அந்த நபருக்கு பாம்பு கொடுத்த பதிலடி பார்ப்பவர்களைப் பதற வைத்துள்ளது.
அந்த வைரல் வீடியோவில், ஒரு நபர் சாலையோரம் இருக்கும் ஒரு பெரிய பாம்பின் வாலைப் பிடித்து இழுப்பதும், அதனைத் தொந்தரவு செய்வதும் பதிவாகியுள்ளது. பாம்பு அமைதியாகச் செல்ல முயன்ற போதிலும், அந்த நபர் மீண்டும் மீண்டும் அதன் கவனத்தைத் திசைதிருப்புகிறார். ஒரு கட்டத்தில் பொறுமை இழந்த அந்தப் பாம்பு, மின்னல் வேகத்தில் திரும்பி அந்த நபரைத் தாக்க முற்படுகிறது. அவர் சுதாரித்துக் கொண்டு விலகியதால் நல்வாய்ப்பாக உயிர் தப்பினார்.
இந்த வீடியோவைச் சுற்றியுள்ள கருத்துகளில் நெட்டிசன்கள் அந்த நபரை வன்மையாகக் கண்டித்து வருகின்றனர். “விலங்குகளுக்கு என்று ஒரு எல்லை உண்டு, அதனை மீறினால் விளைவுகள் இப்படித்தான் இருக்கும்” என்றும், “வெறும் வீடியோவிற்காக உயிரைப் பணயம் வைப்பது முட்டாள்தனம்” என்றும் கமெண்ட் செய்து வருகின்றனர். பாம்புகளைத் தூண்டுவது எவ்வளவு ஆபத்தானது என்பதற்கு இந்த வீடியோ ஒரு நேரடி எச்சரிக்கையாக அமைந்துள்ளது.
View this post on Instagram