இன்றைய காலகட்டத்தில் சிறுவர்கள் முதல் பெரியவர்கள் வரை அனைவரும் சமூக வலைதளங்களுக்கு அடிமையாகி வருகின்றனர். குறிப்பாக, இன்ஸ்டாகிராம் ரீல்ஸ் மற்றும் யூடியூப் வீடியோக்களைப் பார்த்து எதையும் யோசிக்காமல் அப்படியே செய்து பார்க்கும் போக்கு சிறுவர்களிடையே அதிகரித்துள்ளது. சமீபத்தில் மகாராஷ்டிராவில் ரீல்ஸ் வீடியோ ஒன்றைப் பார்த்து ஈர்க்கப்பட்ட சிறுவர்கள் சிலர், வீட்டில் உள்ள பொருட்களைக் கொண்டு ஒரு உயிருக்கு ஆபத்தான வெடிபொருளைத் தயாரித்துள்ளனர்.
மேலும் விளையாட்டாகத் தொடங்கிய இந்த முயற்சி பெரும் விபத்தில் முடியவிருந்த நிலையில், இதனை தற்செயலாகக் கவனித்த பெற்றோர்கள் அதிர்ச்சியில் உறைந்து போயினர். இந்தச் சம்பவம் இணையத்தில் பெரும் விவாதத்தைக் கிளப்பியுள்ளது. தொழில்நுட்ப வளர்ச்சி ஒருபுறம் அறிவை வளர்த்தாலும், மறுபுறம் சரியான வழிகாட்டுதல் இல்லாதபோது அது எவ்வளவு பெரிய ஆபத்தை விளைவிக்கும் என்பதற்கு இது ஒரு சான்றாகும்.
🚨SHOCKING Father beats his son after he started making illegal weapons by watching reels on Instagram
pic.twitter.com/5aZ6rnEwoW— Ghar Ke Kalesh (@gharkekalesh) March 19, 2026
“>
இந்நிலையில் தங்கள் குழந்தைகள் அலைபேசியில் என்ன பார்க்கிறார்கள், எதைப் பின்பற்றுகிறார்கள் என்பதில் பெற்றோர்கள் எப்போதும் ஒரு கண் வைத்திருக்க வேண்டும் என்று சமூக ஆர்வலர்கள் எச்சரிக்கின்றனர். வெறும் ‘லைக்ஸ்’ மற்றும் ‘வியூஸ்’களுக்காகப் பகிரப்படும் பல வீடியோக்கள் நிஜ வாழ்க்கையில் உயிருக்கே உலைய வைக்கும் என்பதைச் சிறுவர்களுக்குப் புரிய வைக்க வேண்டியது தற்போதைய காலத்தின் கட்டாயமாகும்.